La Nina - Perdida no campo, e achada no lhogar

  Yera ü daqueilhes meses,
quando cantaba la rolha,
i a estas ninas pequeinhas,
qualquier cousa se I antolha.

Habie cumprado mieu pai
um tagalhico de oubeilhas,
e fumos you, i la nina
alhá pa l monte cü eilhas.

Lhebémos nossa merenda,
Yera de trigo bie guapo,
para cenar a la nuite.
Las castanholas num saco.

L die staba mui cralo
L monte cheno de froles.
Los paxaricos cantabã
las sues cantigas d'amores.

La nina apanhava froles,
I arranjava sous ramicos,
I cantava sues cantigas
a par de los paxaricos.
Cada cousa que fazie
la palombica einocente
como erã si malicia
fartaba de rir la gente.

Yá quaije al anuitecer
eilhi al balhe de l pino,
Ampuntei-la para casa
E perdiu-se no camino.

You cuidei qu' eilha habrie ido
dreitica a tener a casa
Nü me tornei a cordar
De la bona la rapaza.

Mie mái coidando que staba
comigo bien recolhida,
e eilha l alma de Dius
toda la nuite perdida!

Ai ... Ai ... mie nina de l alma?...
para dezir la berdade,
solo de you lo cuntar
dá-me muita senhardade.
Aparciu a l outro die
arrimadica a üa squina,
toda rouca de chorar,
la cuitadica la nina.

Naide deixe assi angicos
solos al Dius te me dou,
pode soceder a muitos
Lo que a esta Ie passou.
yousoumirandes@gmail.com 2004 © Site: Autoria Raúl Silva
colaboração de Teresa Ferreira
e Rita Segundo